Bawal Magtanong

Masama bang humiling

kung ikaw naman ang katabi,

masama bang tumikim

ng isang matamis na halik,

masama bang hintayin

hanggang puso ay makalaya,

masama bang pangarapin

na makayakap ka sinta,

masama bang awitan

ang pusong nauuyam,

masama bang hagurin

ang damdaming may agam agam,

masama nga bang manalangin

at hilingin ka sa mahal na Aba,

Masama nga ba?

Masama ba?