Suspens at Komedya

Mahirap pala talaga pag wala kang kaalam alam sa mga gawaing medikal, kung ang tanging alam mo lang na gamot ay Biogesic, Alaxan at Medicol, at pag may nagkakasakit ang  alam mo lang gawin ay bigyan sila ng tubig at ihiga ng maayos.

Kaya nga’t natatawa na lang ako habang naalala ko ang nangyari kanina, para kasing spoof, yung tipong napapanood mo sa mga Regal Films na komedya at di mo akalain na totoong nangyayari sa tunay na buhay.

Anyare? well, ang may hawak ng susi ng kotse ay biglang napapasok sa passenger seat, habang ang walang lisenysa ay muntikan ng magdrive sa katarantahan,  kung sino namang buntis sya pa ang umalalay sa may sakit na nakahandusay sa likod at ang nagiisa naming nurse — siya ang aming pasyente.

Sa sobrang katarantahan nawala ata kami sa sarili, ganun pala yun noh? panic mode ang mga loko ng magsuka ng marami at mamutla ang kaibigan namin, nagkandaugaga tuloy kami sa paghanap ng ospital, ang problema hindi kami taga rito at malayo layo pa naman ang Maynila.

Nakahanap naman kami ng mapagdadalhan, mahaba habang inuman nga lang ang nangyari sa registration pagka’t naiwan namin ang mga ID namin sa sasakyan. Eto ngayon at nasa isang room kami, naisip naming kumuha ng private room para makapag pahinga na rin kami. Paano nagsuka din ang buntis naming kaibigan, pati nga ako sumama ang sikmura, pati tuloy kami tinurukan ng gamot para maagapan, ang bigat pa naman ng kamay ng nurse na nanurok sakin, saan na ang tender loving care mo ma’am?

Mabalik tayo, Food poisoning daw ang nangyari sa amin, at dahil sa simula pa raw eh mahina na resistensya at kulang na raw ang… umm…   yung sa may dugo nya? ano nga uli yun, nakikita ko yun sa mga commercial at bitamina eh. Pisti! hindi ko talaga naintindihan sinabi ng doktor! Dok paki explain nga uli?!

Basta may kulang daw sa katawang niya kaya sya mas madaling nanghina  at bumigay ng husto.  YUN NA YUN!

Kaya nga’t eto ako ngayon, isang dakilang taga bantay buti na lang magaling ang broadband ko at nahanapan ako ng signal. May pampalipas oras ako habang hinihintay magising ang nurse naming may sakit, ipapa- discuss ko kasi sa kanya yung sinabi ni Dok, tipong may pathophysiology with diagnosis and treatment.

Nakakaloko nga talaga, lumuwas lang kami para makikain at maki-videoke pero eto mukhang mapapa slumber party pa ata kami sa ospital. What a day ika nga.

 

 

Ang kamay ni kulit, sabi ng nakausap ko lubog daw ang ugat nya kaya maliit nilagay nila. Lubog? bakit hindi ba yan talaga nakalubog?

Ang kamay ni kulit, sabi ng nakausap ko lubog daw ang ugat nya kaya maliit nilagay nila. Lubog? bakit hindi ba yan talaga nakalubog?

 

 

 

Advertisements

Share your thoughts here

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s