falling in love

Tamis ng Kalamay

Sa isang sandali
sa dinulot na ngiti
sa lambing na kay tamis
at himig ng iyong tinig
sa sarap ng mga halik
at init ng pagniniig
tila kalamay ka
na sa labi’y pumupuno ng sabik

download

sa’king mga uli uli
at paglalaro ng guni guni
napapitlag,  pagka’t sa alaala
yan ang pinangarap kong pagibig
hayy kalamay pinangarap kitang masimsim

Advertisements

Philophobia ang Ikalawang Kabanata

Sa kampay ng gitara
may lungkot na nadarama
mga labing ngumingiti
duda nama’y namamayani.
Mga matang nakatitig
sa labi na kay nipis
mga bigkas ng paglinang
tila baga lasong kumikitil.
Ba’t nga ba kay hirap
magtiwala na nga muli
kahit ano pang pagsisikap
ng sintang kay lambing.
Di man naisin
na ika’y inisin at pagurin
pagmamahal na inaalay
ay di pa kayang tugunin.
Pasensya na sa puso
na pilit mong sinasamyo
di naman talaga bato
dapatwa’t balot lang ng takot.