love poem

Unexpectedly

 

 

Isang collaboration ni Joulethomsoneffect at Chengboiser

Paumanhin kung ako ang maghahandog, lumuwas pa norte si Epol habang may sakit naman si Shin.

Tandaan POV: male-blue, female-red, both-green

 

Ano nga bang nangyayari
bakit nga ba buhay ay tila isang trahedya
bakit nga ba ngayon lang tayo nagkakilala
tila ba tadhana’y nanunudyo sa ating istorya

Ano nga bang magagawa
kundi na lang tumunganga
pagka’t ikaw at ako
magsasalo na lang sa luha

Aking mga kamay ay may hawak ng iba
aking mga labi’y pagmamayari na nya
sa iyong mga ngiti pagasa aking natagpuan
sa iyong mga yakap tila buhay ko’y walang hanggan

Isang trahedya nga naman para sa isat’isa
pagkat ating pagkikita ay tila huli na..
mga pinangarap natin maglalaho na parang bula
pagibig na nilihim liliparin na lang sa ulap

 

What do We Mean to Each Other

 

Sino ako, ano nga ba tayo? kung ako’y panakip butas lang

Thanks to Chengboiser for the collaboration. POV male- blue, female-red

Tula na nabuo mula sa kantang What Do We Wean to Each Other ni Sergio Mendes at binigyan buhay sa saliw ng pagibig ni Sheen at Paul.

 

Sino ako kung wala ikaw
sino nga ba tayo
kung puro takot ang sinisigaw
sino ang kahati ng syang puso
na sa mata mo’y dumudungaw
Ano nga ba ako
sa kinabukasan mong inaasam
Sino ako kung wala ikaw
sino nga ba tayo
kung may tanong sa balintataw
sino ang hahanapin ko
sa kaguluhan at karangyaan
pasasaan ang tagumpay
kung puso’y naguguluhan

Sino ang hahagkan
kung ako at sya na lang

Sino nga ba ang lilingapin
kung sa labi ko’y
ngalan nya lang ang alam

Sino ang iduduyan
ng bisig mo sa kalungkutan

 

Ikaw, maaring ikaw

 

——– Dahil lamang sayo sya’y di laan.

Minsanan

Nagising ako sa pagkakahimbing
sa isang panaginip na walang kasing tamis

ikaw raw ay nasa aking tabi
magkayapos at mga labiy napuspos ng halik

mga bigkas mo raw ay puno ng pagmamahal
mga salitang saki’y nagpapatigagal

ang madilim kong silid tila naging isang langit
mula ng sa panaginip ako’y iyong bisitahin.

 

image courtesy of quotes-lover.com

Daluyong

May mababago ba

sa buhay na nakatakda

kung aking aaminin

na sayo ako’y nangungulila

 

Malulunasan nga ba

ang damdaming naghihirap

kung ako’y babalik

at mamahalin ka sinta

 

Mayayakap nga ba

ang isang irog na mailap

gayong tadhana’y naging mapaglaro

at tila paglalayo’y naisulat na sa bato

 

Mauunawaan nga ba

at sa paglalakbay mahihinita

ang lahat ng katanungan

at inaasam ng pusong nagiisa.

 

 

Ipilit ko man
Paikutin ang buwan
Kung puso mo’y hindi kumibo
Ba’t ko pa susundan
Isipin mo na lang may isang nagmamahal sa ‘yo
At ito’y ako

Palahaw

Kung ang lahat ng tao ay makata siguro napaka gandang pakinggan ang kanilang pagliligawan at kahit na ang kanilang pagaaway.

Ang pagsigaw ng damdamin ni Chengboiser at Joulethomsoneffect.

Magkabilang mundo
yan ang ikaw at ako
magkaibang buhay na tinatahak
ibang daang nilalakbay
naisin mo man minsan na sumabay
malimit puso’t isipa’y
di naman magkaulayaw
pakatandaan na lamang anumang pinipilit
kailanman di ito ang syang makakamit
makuha mo man ang bunga
ngunit lasa nitoy ay walang kasing pait
pagka’t di kailanman magbubunga ng tamis
ang bagay na pinipilit.

Hindi naman talaga pinipilit
nagsisikap lang na masungkit
inaabot ang kamay
at inaalis ang takot na kalakip
nilalayo sa kalokohan
ng ibang mga gago
isinawalantabi ang angas
at nanatili sa prinsipyo
pakatandaan binibini ko
kailanma’y di ka para
kung kani kanino
at ibigay ang palad at pagmamahal
sa taong handang ibigay ang apelyido.

 

Kasal Kasalan

Kailan nga ba nagsisimula ang walang hanggan?
sa pag dampi ba ng ating mga labi
sa pagtanggal mo ng aking belo
o sa pagsusuot ng ating mga singsing

Madarama nga ba natin ang kaligayahan
at handa nga ba tayo sa kung ano mang patutunguhan
magpakailanman mo ba akong handang samahan
mapa liwanag man o kadiliman

Magkakasama nga ba tayo kahit sa katopakan
oo iiling na lang sa mga kagaspangan
makakatulog ka ba na mabigat ang ating mga dibdib
o yayakapin na lang ako at hahalikan ang mga bibig

Mamumuhay ba tayo ng payapa
o matatalo pa natin ang aso’t pusa
maglalambing ba tayo pagkatapos ng pagaaway
o idadaan na lang sa inom at pagkaumay

Magyayakapan pa kaya tayo sating pagtanda
o tatahimik na lang at sa isang sulok magbabasa
mananatili kaya ang nabuong kilig at tamis
pagkatapos ng ating umo OO sa dambana ng pagibig.

 

 

 

 

 

 

..ANG ATING ISASAGOT SA MGA KATANUNGAN AY NASA KANTANG TO..